MIAKA 50 YA UHURU BADO ELIMU YA UCHANGIAJI DAMU HAIJAWAFIKIA WANANCHI VIZURI.

Dr.Emanuel Mbawala mwenye makazi yake jijini Mbeya,akiwa ni mmoja wa watu waliojitokeza kuchangia damu leo kwenye kituo cha damu salama nyanda za juu kusini kilichoko Mbeya,kulia kwake ni mfanyakazi wa kituo hicho akimpatia huduma nzuri Dr.Mbawala.

KILIMANJARO STARS NJE

Timu ya Kilimanjaro stars leo imetupwa nje ya michuano ya Tusker Chalenji baada ya kufungwa bao 3-1 na Uganda Cranes,mchezo huo umechezwa kwa dakika 120,baada ya timu hizo kumaliza dakika 90 zikiwa zimefungana 1-1,Uganda waliweza kuzitumia vyema dk 30 za nyongeza na kujipatia mabao mawili na hadi mwisho wa Uganda 3 Kili 1

MOVENPICK HOTEL WABADILI JINA SASA INAITWA DAR SERENA HOTEL

Movenpick Hotel iliyopo mtaa wa ohio jijini Dar es salaam wamebadili jina na sasa hotel inajulikana kwa la Dar es salaam Serena Hotel.
 Imekuwa ni kawaida kwa wawekekezaji kubadili majina ya biashara zao kwa hapa nchini,Movenpick miaka michache iliyopita ilijulikana kama Sheraton kabla ya Movenpick,hii sasa imezoeleka kwa mfumo huu wa kubadili majina kwa makampuni makubwa kama vile ya simu na mengine.

MWENGE WAPANDISHWA MLIMA KILIMANJARO MIAKA 50 YA UHURU

Vijana wakiwa na mwenge wa uhuru baada ya kuagwa na mkuu wa mkoa wa Kilimanjaro

KILIMANJARO STARS NA UGANDA CRANES ZAINGIA NUSU FAINALI

Timu ya Kilimanjaro stars na Uganda Cranes zimefanikiwa kuingia hatua ya nusu fainali ya kombe la Tusker chalenji 2011,Uganda wamepata nafasi hiyo kwa kuwafunga Zimbabwe bao 1-0 kwenye mchezo uliochezwa mchana uwanja wa taifa.
 Mchezo mwingine uliwakutanisha mabingwa watetezi Kilimanjaro Stars na timu ya taifa ya Malawi na matokeo ni Kilimanjaro Stars wameibuka na ushindi wa bao 1-0 lililofungwa na kiungo Nurdin Bakar kwa shuti kali na hivyo matokeo kubaki hivyo hadi mwisho wa mchezo.

ZANZIBAR HEROES YAFUNGASHA VIRAGO

Timu ya Zanzibar Heroes leo imeaga michuano ya kombe la chalenji baada ya kupokea kichapo cha bao 2-1 kutoka kwa Rwanda (Amavubi) kwenye mchezo wa robo fainali uliochezwa uwanja wa taifa jijini Dar es salaam,mchezo huo ulianza kwa kasi na Rwanda waliweza kutawala mchezo huo kwa vipindi vyote hasa kutokana na umahiri wa kiungo wa Rwanda Haruna Niyonzima kuwabana na kuwafunika viungo wa Zanzibar Heroes.

SUDAN YAICHAPA BURUNDI 2-0 ROBO FAINALI YA CHALENJI

Timu ya taifa ya Sudan leo imekuwa timu ya kwanza kufuzu hatua robo fainali kwenye michuano ya kombe tusker chalenji cup baada ya kuwafunga timu ya taifa ya Burundi kwa magoli 2-0 kwenye mchezo uliochezwa leo mchana uwanja wa taifa Dar es salaam
  Mchezo mwingine utachezwa leo jioni kati ya Rwanda (amavubi) na Zanzibar heroes ukiwa ni mchezo mwingine wa robo fainali kwenye uwanja wa taifa.

UWANJA WA NDEGE MWANZA WAKUMBWA NA MAFURIKO

Habari zilizotufikia hivi punde,uwanja wa ndege wa Mwanza umekumbwa na mafuriko kutokana na mvua kubwa iliyonyesha mkoani humo,na hivyo kusababisha ndege kushindwa kuruka ikiwemo ya waziri mkuu aliyekuwemo mkoani humo.

KILI STARS HOI KWA ZIMBABWE

Timu ya soka ya Tanzania bara leo imefungwa magoli 2-1 na wenzao wa Zimbabwe kwenye michuano ya kombe la CECAFA inayoshirikisha mataifa ya Afrika mashariki na kati huku timu za Malawi na Zimbabwe zikiwa zimealikwa kwenye michuano hii.
  Zimbabwe walijipatia mabao yao kipindi cha kwanza kutokana na mabeki wa Kili stars kucheza kwa kutoelewana,hatimaye Kili Stars ilipata bao la kufutia machozi kwa njia ya penati iliyopigwa na Mwinyi Kazimoto baada ya Mrisho Ngasa kufanyiwa madhambi eneo la hatari zikiwa zimesalia dakika 4 mpira kumalizika.

TANZANIA BILA UKIMWI INAWEZEKANA

leo ni siku ya maadhimisho ya ukimwi duniani,ugonjwa ambao umekuwa ukiwasumbua watu wengi duniani inakadiriwa kuwa kuna watu zaidi milioni 34 wanaishi na maambukizi ya ugonjwa huo,inonekana nchi za kusini mwa jangwa la sahara ndizo zenye wagonjwa wengi,imekuwa zikifanyika jitihada mbali mbali kuhakikisha maambukizi ya ugonjwa huu yanapungua au kuutokomeza kabisa kwa kuwaelimisha watu.

MAFURIKO YALETA MAAFA MONDULI

 Baadhi ya picha zinnazoonyesha maafa yaliyotokana na mafuriko huko Monduli na miundo mbinu kuharibika

 Mwili wa marehemu ukiwa umenaswa kwenye vichaka

 Magari nayo yalibebwa na mafuriko hayo

MVUA YANYESHA KWA MUDA MREFU MBEYA.

Jiji la Mbeya leo limekuwa na neema baada ya mvua kunyesha kwa takribani masaa 10,na kusababisha watu kushindwa kuwahi makazini.

CHANGIA DAMU OKOA MAISHA

Damu ni tiba inayotokana na binadamu wenyewe kwa maana hiyo sisi ndio wenye jukumu la kuchangia damu kwa ajili ya kuokoa maisha ya watu wanaohitaji tiba hiyo na kuokoa maisha ya wagonjwa wanaohitaji tiba hiyo,kwa wale wale walioko Mbeya unaweza ukafika kwenye kituo cha damu salama kilichoko hospitali ya wazazi Meta,Mwanza damu salama Bugando,kwa wale walioko Dar es salaam na maeneo jirani mtafika kituo cha damu salama kilichoko Mchikichini,Moshi mkabala na hospitali KCMC,Mtwara kituo cha damu salama Mtwara na Tabora fika kwenye kituo cha damu salama Tabora-CHANGIA DAMU MARA KWA MARA ILI UOKOE MAISHA.

PAPA BENEDICT XVI KUTEMBELEA BENIN

Kiongozi wa kanisa la katoliki duniani,Papa Benedict wa 16 anatarajia kutembelea nchi ya Benin wiki hii.
Hii ni ziara ya pili kwa Papa Benedict barani Africa tangu kuteuliwa kwake,na ni mara ya tatu kwa taifa la Benin kutembelewa na uongozi wa juu wa kanisa hilo,mwaka 1982 na 1993 walitembelewa na Papa John Paul II.
Msemaji wa Vatican amesema ziara hiyo ni ya kuleta amani na maridhiano barani Afrika.

AJALI MBAYA YATOKEA UBUNGO RIVER SIDE

 Wananchi wakijaribu kuokoa maisha ya watu waliokuwa kwenye gari dogo lililoingia uvunguni mwa lori eneo la Ubungo river side mchana wa leo

Wananchi wakiangalia ajali ambayo imepoteza maisha ya watu watatu na mmoja akiwa hai ndani ya gari dogo,jitihada za kumtoa zinaendelea kufanyika

TUKUYU NI NEEMA TU

Wakina mama wa eneo la Kiwira wakiuza matunda ya aina mbalimbali kwa wageni na wenyeji wa wanaopita kwenye barabara ya Dar-Malawi.



Wakina mama wakisubiri wateja wa ndizi eneo la Kiwira



Eneo hili ndilo linlofanyiwa biashara eneo la Kiwira,licha kukaa kihatarihatari



Wakina mama wakiuza ndizi,maparachichi,mananasi nk.kwenye basi linalofanya safari kati ya Mbeya na Kyela



MACHAFUKO MENGINE CAIRO

Hali inaelekea kuwa mbaya zaidi mjini Cairo kutokana na jeshi kutumia nguvu zaidi kwa ajili ya kuwadhibiti waandamanaji wanaoshinikiza utawala wa kijeshi kuondoka madarakani,tayari mpaka sasa zaidi watu 30 wanahofiwa kupoteza maisha kwenye machafuko yanayoendelea jijini Cairo,na sasa machafuko hayo yamemeanza kwenye miji ya Alexandria,Suez,Port Said na Aswan



Mmoja wa majeruhi akipata huduma ya kwanza



Hili ni eneo la Tahrir jijini Cairo ambalo linaonekana kuwa na vurugu zaidi

UHABA WA MAJI WATISHIA USALAMA WA AFYA ZA WANANCHI MBALIZI.

Kufuatia uhaba wa maji uliyoukumba mji mdogo wa Mbalizi na vitongoji vyake,na kusababisha wakazi wa maeneo hayo kuchota maji na kufulia kwenye kwenye mifereji na mito,kunaweza kusababisha mlipuko wa magonjwa kutokana na mji huo kuwa na wakazi wengi na biashara nyingi.

LORI LANUSURIKA NA KUZIBA BARABARA.

Lori la mizigo aina ya Scania,jioni hii limenusurika kuanguka baada ya kuacha njia na kuingia kwenye mtaro ulioko kando ya barabara na kurudi tena barabarani na kuziba barabara kwa muda na kusababisha magari makubwa kushindwa kupita,ajali imetokea leo jioni eneo la Ntokela,barabara ya Uyole-Tukuyu,hakuna mtu aliyejeruhiwa kwenye ajali hiyo.

MAREKANI YAOMBA MSAMAHA KWA INDIA

Marekani imeiomba msamaha serikali ya India kutokana na kitendo cha maafisa wake wa uwanja wa ndege wa New York kumpekua rais wa zamani wa India,bwana Abdul Kalam mwezi Septemba.
Serikali ilitoa malalamiko yake kwa Marekani kufuatia kitendo hicho kilichoonekana kama udhalilishaji kwa mheshimiwa huyo,pia mcheza sinema maarufu wa India Shah Rukh Khan aliwahi kulalamikia kitendo kama hicho alichofanyiwa mwaka 2009.

Taifa Stars yaichapa Chad 2-1

Timu ya soka ya Tanzania leo imefanikiwa kupata ushindi ugenini kwa kuichapa timu ya taifa ya Chad mabao 2-1,mabao ya Taifa Stars yamefungwa na Mrisho Ngasa na Nurdin Bakar.

VURUGU ZATAWALA MBEYA LEO



Askari wa jeshi la polisi wakijaribu kutuliza ghasia maeneo ya tukio jijini Mbeya



Gari likiwa limebinuliwa na waandamanaji na kufunga barabara kuu ya Dar-Tunduma eneo la Kabwe



Matairi chakavu yakiwa yamechomwa katikati ya barabara  na kuleta taabu kwa wasafiri na moshi mzito kusambaa eneo la Kabwe (Picha kwa hisani ya  Mwaisango)



WAKULIMA WA MANANASI RUNGWE WANAHITAJI SOKO LA UHAKIKA ILI KUBORESHA KILIMO CHA MATUNDA HAYO




Mfanyabiashara wa mananasi akikusanya mananasi kutoka kwa wakulima wa Ikuti wilayani Rungwe 



Wakazi wa kijiji cha Ikuti hujipumzisha maeneo haya mara baada ya kumaliza shughuli zao za kila siku

 

BONDIA JOE FRAZIER AFARIKI DUNIA

Aliyekuwa nguli wa mchezo wa masumbwi kwenye miaka ya 60 na 70,Frazier amefariki juzi baada ya kuugua kwa muda mrefu ugonjwa wa saratani ya ini.
Frazier alikuwa bondia wa kwanza kumpiga bingwa wa kipindi hicho Muhammad Ally katika mpambano uliochezwa DR Congo machi, 1971,amefariki akiwa na umri wa miaka 67,wapenzi wa mchezo huo wataendelea kumkumbuka kutokana na umahiri wake ulingoni na hasa kwa kumchapa bingwa aliyeshindikana Muhammad Ally.

WATOTO WANAPENDA KUPENDWA



Watoto wa shule ya msingi Itenya,kijiji cha Ngonga wilayani Kyela wakiwa na bw Benjamin alipopita maeneo ya kijiji hicho

IRINGA YAENDELEA KUKUA KWA KASI



Mdau wetu akiwa kwenye kijiji cha Ilambilole wilayani Kilolo



Hapa akiwa mtaa wa Mshindo Iringa mjini

Mdau wetu akiwa kituo cha mabasi ya kwenda mikoani mjini Iringa

Kati ya vivutio vilivyoko mkoani Iringa ni pamoja na mawe mazuri yaliyo kando ya barabara kuu

MASELE NA WENZAKE WAWALEMAZA WASAFIRI KITUO CHA MABASI MBEYA.

Msanii maarufu na wenzake toka jijini Dar es salaam,leo wamewateka wasafiri waliokuwepo kituo kikuu cha mabasi jijini Mbeya,na kuwafanya wabaki wakiwaangalia na kusahau kufanya mipango ya safari kutokana na vituko vyao vya maigizo walivyokuwa wakionyesha na kuwavutia wasafiri wengi na baadhi wafanyabiashara wa eneo hilo.