YANGA SASA YAANZA LIGI

  Baada ya kupoteza mchezo wa kwanza kwa kufungwa na Mtibwa Sugar wiki iliyopita,Yanga wamefanikiwa kupata ushindi wa goli 2-1 dhidi ya Tanzania Prison ya Mbeya kwenye mchezo uliochezwa uwanja wa Taifa Dar es salaam.
  Mchezo ulianza kwa Yanga kumiliki kipindi cha kwanza idara zote na kufanikiwa kupata goli dakika ya 34 likifungwa na Mbrazil Andre Coutinho goli hilo lilidumu hadi mapumziko.
  Kipindi cha pili Prison walirudi na kufanya mashambulizi ya kushitukiza na kufanikiwa kusawazisha bao hilo dakika ya 62,kabla ya Simon Msuva kuipatia Yanga goli la pili dakika ya 67 kwa kichwa kufuatia pasi ya Mrisho Ngassa hadi mwisho wa mchezo Yanga 2-Prison 1.
  Katika mchezo mwingine huko Chamazi Complex timu ya Kagera Sugar iliibuka na ushindi wa goli 2-0 dhidi ya JKT Ruvu.

Kikosi cha Yanga

Shabiki maarufu wa Yanga na Taifa stars anayejulikana kwa jina la Ally Yanga akiwa na wenzake uwanja wa Taifa

DAMPO JIRANI NA SHULE NI UKATILI KWA WATOTO

Eneo lililofanywa dampo

  Shule ya msingi Simike jijini Mbeya ipo katika wakati mgumu kutokana na kuwa jirani na sehemu ya kutupia takataka ambazo zinaweza kuhatarisha afya za wanafunzi hao hasa yanapotokea magonjwa ya mlipuko.
  Kumekuwa na kiasi kikubwa cha takataka ambazo zimekuwa zikitupwa bila kuondolewa kwa wakati na hivyo kufanya eneo hilo kuwa mrundikano mkubwa wa taka jirani na shule hiyo na kuwa na harufu mbaya na hewa nzito.
  Mamlaka husika zinapaswa kuangalia maeneo ya kutupia taka au kuzitoa mapema hasa maeneo ambayo yako jirani na watoto au shule ili kuwanusuru watoto na maradhi wanayoweza kuyapata, tunaamini kwa hili linawezekana kama wahusika wakijipanga vizuri.

Lundo la taka

Huu ndio ukuta wa shule ambao uko jirani na sehemu hii ya kutupia taka.

POLISI MORO YAWABANIA SIMBA

  Timu ya Polisi ya Morogoro leo imeilazimisha timu ya Simba ya Dar es salaam sare ya goli 1-1 kwenye mchezo wa pili wa ligi kuu ya Vodacom, mchezo huo umechezwa uwanja wa Taifa Dar es salaam ambapo Simba walikuwa wenyeji.
  Mchezo huo ulianza kwa simba kutawala kipindi cha kwanza na kuwawezesha kupata goli lililofungwa na Emmanuel Okwi na kuenda mapumziko wakiwa mbele kwa goli moja,kipindi cha pili Polisi Morogoro waliingia uwanjani wakiwa wamebadilika na kufanya mashambulizi ya kushtukiza na kusawazisha goli kupitia kwa Dan Mruanda aliyepokea pasi ya Salum Machaku na kumchambua golikipa wa Simba Hussein Sharrif na kuukwamisha mpira wavuni kiufundi.
Polisi walionyesha kandanda safi baada ya kuingia kwa Christopher Edward na Seleman Selembe na kukosa magoli mawili ya wazi ambayo yangeweza kupeleka majonzi mtaa wa Msimbazi.
Matokeo mengine ya ligi kuu ya Vodacom kwa leo:-
 .Azam FC 2-Ruvu Shooting 0
 .Mtibwa 3-Ndanda FC 1
 .Mgambo JKT 0-Stand UTD 1
 .Mbeya City 1-Coastal 0
  Ligi hiyo itaendelea kesho kwa mechi mbili ambapo uwanja wa Taifa Dar es salaam Yanga watawakaribisha Tanzania Prisons ya Mbeya na JKT Ruvu watakuwa wenyeji wa Kagera Sugar kwenye uwanja wa Chamazi Complex.
Mpaka sasa Didier Kavumbagu wa Azam anaongoza kwa kupachika magoli akiwa na magoli manne kwa mechi mbili .

Hiki ni kikosi cha polisi Morogoro kabla ya ligi kuu

STAND UNITED WAMILIKI WAKE NI WAPIGA DEBE NA MAKONDA KIHALALI,TUNAJIFUNZA NINI?SISI WENYE MAKAMPUNI.

Hiki ndio kikosi cha Stand United

 UKITUA katika Mkoa wa Shinyanga, hususan maeneo ya stendi ya zamani ya mabasi ya mikoani na wilayani, utakutana na shamrashamra za makonda, madereva na wapiga debe ambao wanaendelea na shughuli zao za kujipatia riziki. Lakini hao makonda, wapiga debe, mawakala na madereva, ndiyo chachu na mafanikio ya Stand United, kwani wao ndiyo waanzilishi na wamechangia kwa kiasi kikubwa kuifanya timu hiyo ifike hapo ilipo tangu ilipoanzishwa mwaka 2012.  Stand inaongozwa na viongozi wenye uchungu na mpira na uchu wa mafanikio katika soka, ndiyo maana wamefanikiwa kwa kiasi fulani. Wanaendesha timu huku wakiendelea na majukumu yao ya kila siku na kazi zao, ingawa wanahakikisha kila kitu kinakuwa kinaenda sawa kabisa bila tatizo katika mabasi wengine maduka yanayozunguka eneo hilo la stendi. Unapofika Stand, unakutana na makamu mwenyekiti wa timu hiyo, Masumbuko Charles ambaye ni mmoja wa mawakala wa basi la Loquman ambalo linafanya kazi ya kusafirisha abiria kutoka wilaya za Meatu na Bariadi hadi mkoani Dodoma. Licha ya Masumbuko kuwa na majukumu mengi, timu inapofanya mazoezi huwezi kumkosa. “Uwepo wangu katika timu hii ni furaha kwa sababu ilikuwa ndoto yetu hapa tangu muda na imefanikiwa kutimia kwa kiasi mpaka hapa tulipofika, tutapigana kwa sababu mwanzo tulikuwa tunasumbuliwa na ukata lakini tumetimiza ndoto kwa kiasi,” anaeleza Masumbuko. Rashid Daghesh ambaye ni kocha wa kwanza wa Stand kwa sasa ni mjumbe wa kamati kuu ya timu hiyo huku aliyekuwa msaidizi wake Aman Vincent akiwa ndiye mwenyekiti wa timu kwa sasa. Rashid, pamoja na majukumu ya timu aliyonayo, pia ni wakala wa mabasi ya Ruska ambayo yanafanya shughuli zake mkoani humohumo. “Kitu ambacho naweza kujivunia Stand United ni pamoja na kuifanya timu kuwa hapa ilipofika sasa, kwa sababu zamani wakati nacheza timu yangu haikuwa na bahati ya kufika ligi kuu, sasa imepiga hatua, ni jambo la kheri,” anasema Rashid.  Mohamed Ally Hemed ‘Dulla’ yeye ni mmoja wa wadau walioanza kuisapoti timu tangu inaanza, akiwa ni mfanyakazi wa hapo na anamiliki basi la Bedui Ruska ambalo ameamua kuweka jina kubwa la timu katika basi hilo. “Naipenda sana timu hii popote iendapo huwa naisapoti kwa kiasi kikubwa tangu tumeanza kuichangia Sh 500 kipindi hicho,” anaeleza. Araf Nassor akiwa ni Mjumbe wa Kamati ya Utendaji ya Stand United naye ni wakala wa mabasi ya Ruska lakini akiwa pia ni mmoja wa waasisi wa timu. “Timu imepiga hatua kwa kiasi kikubwa lakini napenda kuwaambia Watanzania kuwa, Stand United si timu ya wahuni, wala wafanya fujo, sisi ni watu wa malengo, ndiyo maana tumefika hapa, japo ukata kwa sana lakini tunapigana kuendesha timu,” anasema Nassor. Je, mashabiki wanaisapoti vipi timu? “Timu ilipokuwa ikienda mikoani, kipindi hicho walikuwa wanagharamiwa na timu kwa kupitisha mabakuli na kuchangisha na hawa mashabiki wetu wapo katika makundi mawili, Full Shangwe ambao muda wote wanaishangilia timu pamoja na Babu Kubwa, wote hawa ni mashabiki wa timu yetu. “Pia kwa sasa baada ya kupanda, mtashuhudia Bendi ya Stand ikitoa burudani katika michezo yake tofauti wakati ligi kuu itakapokuwa ikiendelea,” anafafanua Nassor. Hao ni baadhi ya wadau na viongozi wa Stand United ambao wamekuwa na timu tangu inaanza mpaka hapo ilipofikia, ingawa haikuwa kazi rahisi kufika hapo walipofika.

COASTAL UNION YAIGOMEA SIMBA

Timu ya Coastal Union ya Jijini Tanga imelazimisha sare ya goli 2-2 dhidi ya Simba kwenye uwanja wa Taifa Dar es salaam,ikiwa ni mchezo wa kwanza wa ligi kuu ya Tanzania bara.
  Simba ilikianza kipindi cha kwanza kwa kasi na kujipatia magoli mawili yaliyofungwa na Shaaban Kisiga na Amisi Tambwe,mabao yalidumu hadi mapumziko.
Coastal walirudi kipindi cha pili wakiwa na machungu na kufanikiwa kusawazisha magoli yote na hivyo kuwanyima Simba ushindi ambao tayari walikuwa na uhakika nao hadi kipenga cha mwisho timu hizo zimetoka 2-2.

YANGA YAANZA LIGI YA VPL KWA KUCHAPWA 2-0 NA MTIBWA

Timu ya Yanga ya Dar es salaam leo imeanza ligi kuu ya Tanzania bara kwa kufungwa goli 2-0 na Mtibwa Sugar kwenye uwanja wa Jamhuri mjini Morogoro.
Wenyeji wa mchezo huo wakicheza kwa kujiamini na kufanya mashambulizi ya kushitukiza waliduwaza Yanga dakika ya 15 ya mchezo baada ya Mussa Hassan Mgosi kupachika bao la kwanza kwa kuwazidi ujanja walinzi wa Yanga.
Baada ya bao hilo Yanga walikuja juu na kulisakama lango la wapinzani wao na kupata goli ambalo mwamuzi wa mchezo huo alikataa na kutoa penati kwa Yanga ambayo iliota mbawa,penati hiyo ilipigwa na Mbrazil Jaja na kumgonga miguuni golikipa Said Mohamed muda mfupi baadaye Yanga waliweza tena kupata goli lakini mwamuzi aligoma kwa madai mfungaji alikuwa ameotea.
Timu hizo zilienda mapumziko huku Mtibwa ikiwa mbele kwa goli 1-0,kipindi cha pili Yanga waliingia na kutawala mchezo huo lakini bahati haikuwa yao kwani dakika ya 83 Ame Ally aliifungia Mtibwa goli la pili hadi mwisho wa mchezo Mtibwa 2 Yanga 0
Michezo mingine iliyochezwa leo na matokeo yake:-
.Azam 3-Polisi Moro 0
.Ndanda FC 4-Stand Utd 1
.Mgambo JKT 1-Kagera 0
.Ruvu shooting 0-Prisons 2
.Mbeya City 0-JKT Ruvu 0
Ligi hiyo itaendendelea kesho kwa mchezo mmoja kati ya Simba na Coast Union uwanja wa Taifa Dar es salaam.

UHARIBIFU WA MAZINGIRA KWA KUKATA MITI WAZIDI KUPAMBA MOTO RUKWA

Katika hali isiyokuwa ya kawaida wananchi wa kijiji cha Mtakuja njia iendayo Kapele Kasusu wilayani Sumbawanga wamekuwa wakikata misitu ili kupata maeneo ya kulima ulezi.
Wananchi hao wamekuwa wakifanya uharibifu mkubwa wa mazingira kutokana na kulima mazao ya muda mfupi ambayo faida yake ni ndogo ukilinganisha na misitu hiyo,wanachohitaji ni kupewa elimu juu ya utunzaji wa mazingira hususani ukataji miti ovyo,inabidi juhudi za haraka zichukuliwe ili kuinusuru hali hiyo ambayo inaweza kuli fanya eneo hilo kukosa mvua kwa miaka ya baadaye.
Hizi ni baadhi ya picha ya msitu huo unaoshambuliwa kwa kasi.

Hii ni miti ambayo imeangushwa

Msitu ukiwa umekatwa na wananchi kwa ajili ya kilimo cha ulezi.

WATU ZAIDI YA 30 WAFARIKI KWENYE AJALI MUSOMA LEO

 Zaidi ya watu 30 wamefariki kwenye ajali iliyohusisha magari matatu eneo la Sabasaba mjini Musoma leo,ajali hiyo imetokea leo mchana kwa kuhusisha mabasi mawili ya Mwanza Coach na J4 Express na gari ndogo aina ya Nissan Terrano baada ya J4 Express kuigonga ubavuni Nissan hiyo kuisukumia mtoni kabla ya kukutana uso kwa uso na Mwanza Coach nje kidogo ya daraja.
 Sababu kubwa ni mwendo kasi wa mabasi hayo ambayo yalikutana kwenye daraja ambalo ni jembamba na kusababisha maafa kwa abiria na wengine kujeruhiwa.
  Haraka za madereva wa mabasi zimekuwa ni vyanzo vya ajali nyingi ambazo zingeweza kuepukika lakini imekuwa ni kawaida kwa madereva kujifanya kama hawajui nini kinaweza kutokea kutokana na mwendokasi wao na hii imekuwa ikichangiwa hata na baadhi ya abiria wanaojifanya wana haraka za kuwahi biashara zao na kuwakejeli madereva wanaokwenda mwendo wa taratibu.

Hii ni sehemu ya mabaki ya basi baada ya ajali

Baadhi ya wananchi wakiangalia kwa hudhuni moja ya basi lililopata 

YANGA YATANGAZA KAMATI YA NIDHAMU,MAADILI NA SHERIA.

  TAARIFA KWA VYOMBO VYA HABARI
 Mwanasheria Sam Mapande, Mjumbe wa Kamati ya Utendaji ya YANGA –(Utawala Bora) anapenda kutoa taarifa kupitia vyombo vya habari kwa wana YANGA,ameunda Kamati ndogo chini ya Kamati ya Utendaji wa YANGA zifuatazo:
1) KAMATI YA MAADILI Wajumbe:   1) Fimbo, Mgongo Prof. (Advocate) 2) Kabudi, Mpalamaganda Prof. (Advocate)  3) Njaa, Salehe Ramadhani (Advocate) 4) Rashidi, Tausi Abdallah (Advocate) 5) Tenga, Cathbert (Advocate)
 2) KAMATI YA NIDHAMU Wajumbe:
  1) Karua, Tedy  2) Lamlembe, Roger 3) Kihanga, Pascal  4) Mahenge, Burton Yesaya 5) Mudhihir, Mudhihir (Advocate) 3)
 KAMATI YA SHERIA NA KATIBA  Wajumbe:
   1) Fimbo, Mgongo Prof. (Advocate) 2) Gikas, Farija (Advocate) 3) Kabisa, Jessica (Advocate) 4) Kabudi, Mpalamaganda Prof. (Advocate)  5) Kambamwene, January (Advocate) 6) Lupogo, Herman (Advocate) 7) Madibi, Richard (Advocate) 8) Mahenge, Burton Yesaya 9) Mgongolwa, Alex (Advocate) 10) Mkucha, Elisha (Advocate) 11) Mudhihir, Mudhihir (Advocate) 12) Njaa, Salehe Ramadhani (Advocate) 13) Rashidi, Tausi Abdallah (Advocate) 14) Tenga, Cathbert (Advocate) 15) Tenga, Ringo Dr. (Advocate) 16) Vedasto, Audax (Advocate 4)
 KAMATI YA UCHAGUZI Wajumbe:
  1)  Kajole, Mustafa  2)  Lundenga, Hashim Ibrahim  3)  Makele, Bakili  4)  Mlelwa, Daniel    5) Ngongolwa, Alex (Advocate) Ifahamike kwamba, kutakuwa na nyongeza ya uteuzi wa Wajumbe wengine wa Kamati za YANGA zilizotajwa hapo juu. Mwanasheria Sam Mapande, Mjumbe wa Kamati ya Utendaji ya YANGA – (Utawala Bora) atakuwa Mwenyekiti wa Kamati zilizotajwa hapo juu. Kamati ya Utendaji ya YANGA, ina karibisha Wajumbe waliotajwa katika Kamati zilizotajwa hapo juu kwa dhamira njema kuwa watasaidia kujenga YANGA bora, na wanaomba ushirikiano kutoka kwa wanaYanga wote ili Wajumbe walioteuliwa waweze kutenda kazi zao vyema kwa manufaa ya YANGA. (YANGA DAIMA MBELE NYUMA MWIKO) (BENO NJOVU) KATIBU MKUU WA YANGA

AJALI KUBWA YATOKEA MBALIZI MBEYA

 Wimbi la ajali limezidi kulikumba jiji la Mbeya baada ya leo kutokea ajali eneo la Mbalizi na kugharimu maisha ya watu wasiopungua kumi na wengine zaidi ya sita wakijeruhiwa.
 Ajali hiyo imehusisha gari ya abiria(daladala) na lori dogo aina ya TATA, na kuleta simanzi kubwa kwa wakazi wa Mbalizi na maeneo ya jirani.

Wananchi wa Mbalizi wakiwa wamepigwa butwaa baada ya ajali iliyosababisha vifo vya watu.

EL-MERREIKH MABINGWA AFRIKA MASHARIKI NA KATI 2014

  Timu ya El-merreikh ya Sudan imefanikiwa kutwaa ubingwa wa Afrika mashariki na kati kwa kuwafunga APR ya Rwanda kwa bao 1-0,bao pekee la El-merreikh limefungwa na Allan Wanga dakika ya 25 ya mchezo na kuwafanya APR kushindwa kufurukuta mbele ya mashabiki wao na kunyang'anywa tonge mdomoni na wasudan hao.
  Mechi ya kutafuta mshindi wa tatu ilichezwa mapema na Police Rwanda wamepata nafasi hiyo kwa kuitoa KCCA ya Uganda kwa penati 4-2.

Wachezaji wa El-merreikh wakishangilia ushindi dhidi ya APR.

BIOGESI KWA MAISHA BORA

 Biogesi ni nishati itokanayo na kinyesi cha wanyama ambacho huchachuka ndani ya mtambo wa biogesi na kuweza kutumika kwa kupikia na kuwasha taa.
  FAIDA ZA BIOGESI:- .Haina moshi wala harufu mbaya
. Hupunguza madhara yanayosababishwa na moshi wa kuni au mkaa kama vile macho kuwa mekundu na kukohoa.
 .Huokoa muda Hupunguza muda wa kutafuta kuni hivyo kufanya shughuli nyingine za maendeleo.
 Mtandao huu umekutana na mtaalamu wa kutengeneza mtambo wa biogesi maeneo ya Mbinga Kigonsela bw.Linus Komba na kuelezea jinsi mtambo huu ulivyo rafiki wa mazingira,na kuwataka wananchi wa Tanzania hususani wale wanaoishi vijijini kuwasiliana naye ili aweze kuwasaidia na kuwafanya waendelee kuyatunza mazingira kwa kutokata miti,mnaweza kuwasiliana naye kwa simu yake ya mkononi +255 762 045 808,unaweza kuwasiliana naye na yuko tayari kuwafikia sehemu yeyote kwa ajili ya ushauri na matengenezo YATUNZE MAZINGIRA ILI UWAACHIE VIZAZI VIJAVYO SEHEMU NZURI YA KUISHI

Huu ndio mtambo wa biogesi ukiendelea kujengwa

Bw.Benjamin James akipata maelekezo kutoka kwa mafundi

Bw.Linus Komba akitoa maelezo kuhusu mtambo wa biogesi

Mafundi wakiendelea na kazi ya kukamilisha mtambo huo.

MANCHESTER UNITED YAANZA VIBAYA EPL,YAPIGWA NYUMBANI

Ligi kuu ya Uingereza imefunguliwa huku matokeo yakiiduwaza Manchester United baada ya kukubali kichapo cha bao 2-1 wakiwa nyumbani,matokeo ambayo hawajawahi kuyapata kwenye mechi za ufunguzi toka mwaka 1972.
Matokeo yalikuwa kama ifuatavyo:-
Man United 1-Swansea City 2 West Brom 2-Sunderland 2 Stoke City 0 -Aston Villa 1 Leicester City 2 Final Everton 2 QPR 0-Hull City 1 West Ham 0 -Tottenham 1 Arsenal 2-Crystal Palace 1 Sunday, August 17 Liverpool 3:30 PM Southampton Newcastle 6:00 PM Man City Monday, August 18 Burnley FC 10:00 PM Chelsea Saturday, August 23 Aston Villa 2:45 PM Newcastle Chelsea 5:00 PM Leicester City Swansea City 5:00 PM Burnley FC Crystal Palace 5:00 PM West Ham Southampton 5:00 PM West Brom Everton 7:30 PM Arsenal Sunday, August 24 Hull City 3:30 PM Stoke City Tottenham 3:30 PM QPR Sunderland 6:00 PM Man United Monday, August 25 Man City 10:00 PM Liverpool All times are in East Africa Time

REAL MADRID YATWAA EUROPEAN SUPER CUP

Ronaldo akishangilia moja ya gola lake

Mabingwa wa kihistoria wa UEFA CHAMPION LEAGUE,Real Madrid wamefanikiwa kuongeza kikombe kingine kwenye maktaba yao baada ya kuifunga Sevilla ya Spain bao 2-0 kwenye mchezo uliofanyika uwanja wa Cardiff,mabao ya Real Madrid yakifungwa na mchezaji hatari Christiano Ronaldo dakika ya 30 na 49.
  Sevilla walikuwa kama timu iliyokata tamaa kabla ya kuingia uwanjani kutokana na Real Madrid kuwa na washambuliaji wenye gharama kubwa na uwezo mkubwa uwanjani kama Gareth Bale,James,Kloose

Ronaldo na wenzake wakifurahia ushindi

MAONESHO YA KILIMO KUFANYIKA MJINI NI KUMNYIMA MKULIMA ELIMU NA MAARIFA YA KILIMO.

 Wakulima wa mazao mbalimbali wamekuwa hawapatiwi elimu juu ya uzalishaji wa mazao yao,na hivyo kulazimika kufanya kilimo cha mazoea na kujikuta wakiendelea kupata mavuno kidogo.
Pia kufanyika maonesho ya kilimo maeneo ya mjini kila mara ni kumnyima mkulima maarifa zaidi ya kilimo.
Ikiwa maonesho haya yakiwa yanafanyika vijijini yanaweza kuwafanya wakulima kubadilishana ujuzi na kujifunza mambo mengi zaidi kutoka maeneo mbalimbali ya nchi yetu,kuliko kufanyika kila wakati mjini na kuyafanya kuwa ya kibiashara zaidi na kutembelewa na watu wasiokuwa walengwa na kuwaacha wakulima wakibaki vijijini kwa kunywa pombe na kucheza ngoma na kuona hiyo ndio furaha ya sikukuu ya wakulima.

Shamba la miti lililoko Vwawa Mbozi

Ndizi zikiwa zimeandaliwa kwa ajili ya kusafirishwa huko Ushirika Tukuyu

Moja ya shamba la mpunga wilayani Kyela

Kakao wilayani Kyela

Shamba la mahindi Ruanda Mbozi.

Shamba la miparachichi Itipingi Njombe.

KAGAME CUP 2014

Gor Mahia FC 1-2 KCC FC KCC FC opened their 2014 Kagame Cup campaign with victory after coming from a goal down to beat KPL champions Gor Mahia 2-1in the second of the day’s game played at Amahoro stadium. Uganda Cranes striker Daniel ‘Mzee’ Sserunkuma gave the Kenyan champions a deserved lead in the 27th minute before substitute Brian Majwega equalised for the Ugandan champions seven minutes after recess and later Umony netted the winner in the 88th minute. Gor Mahia started the brighter side and dominated proceedings launching numerous attacks on the KCC FC goal but goalie Yasin Mugabi was up to the task whenever called upon. Bobby Williamson’s charges however got a deserved lead after Musa Muhammad beat Namwanja Simon down the left to cross for Sserunkuma who tapped home despite a forest of legs inside the 18 yard area. The goal saw KCC FC coach George ‘Best’ Nsimbe react by substituting in the inefficient Steven Bengo for Brian Majwega but the Kenyan champions held on to their first half lead in a dominant display. After recess, Nsimbe made another change bringing on Brian Umony for Herman Wasswa. The Ugandan side started to dominate the game at this time and deservedly equalised through Majwega tapping home a fine cross from Tom Masiko. The Ugandan side was in ascendency at the moment but couldn’t break a resilient Gor backline manned by David Owino. At the other end, Gor Mahia threatened with Sserunkuma and later Timothy Otieno forcing a double save from Yasin Mugabi. With two minutes left on the clock, Brian Majwega broke down the left on a counter move and his low cross met Umony who slid the ball at the far corner past Onyango for KCC FC’s winner. KCC FC now top group B with maximum points and return to action on Sunday against Atletico at Nyamirambo. Last modified onFriday, 08 August 2014 18:34 200

YANGA KUTOSHIRIKI KAGAME CUP KUTAPOTEZA WAPENZI WAPYA WA NDANI NA NJE YA TANZANIA

 Yanga ni moja ya timu kubwa ukanda huu wa Afrika mashariki na kati na pengine ndio inaweza ikawa timu yenye washabiki wengi kwa ukanda huu wa Afrika mashariki.
 Kitendo cha timu hii kuwa matatizo ya maramara na shirikisho la soka la Afrika mashariki na kati(CECAFA) na kuifanya timu hii kuondolewa kushiriki michuano ya kombe la Kagame,kuna uwezekano mkubwa wa timu kupoteza wapenzi wapya kwa sababu hamna mtu anayependa kujiingiza kwenye kitu ambacho kina matatizo kila mara,na athari zake haziwezi kuonekana leo hii inaweza ikaonekana miaka ishirini ijayo au zaidi,kwa sababu wapenzi wapya ni wale ambao wana umri wa miaka mitano hadi kumi.

Wakisherekea ubingwa

Kikosi cha Yanga

CHRISTIAN RONALDO MCHEZAJI BORA 2014

Christian Ronaldo leo amechaguliwa kuwa mchezaji bora wa dunia kwa mwaka 2014/15 kwa kuwashinda wachezaji Leon Messi wa Argentina na klabu ya Barcelona na Frank Ribery wa Ufaransa na klabu ya Bayern Munich.
Tuzo hiyo ilikuwa ikishikiliwa na Leon Mess kwa miaka minne mfululizo.

KCC FC MABINGWA MAPINDUZI CUP 2014

Timu ya KCC ya Uganda leo imechukua ubingwa wa kombe la mapinduzi Zanzibar baada ya kuifunga timu ya Simba ya Dar es salaam kwa goli 1-0,kwenye mchezo wa fainali uliochezwa kwenye uwanja wa Amaan,mjini Zanzibar,goli pekee la KCC limefungwa na Herman Waswa dakika ya 20.
 Kwa matokeo hayo timu ya KCC inakuwa timu ya kwanza kutoka nje ya nchi kuchukua ubingwa huo,mashindano yalikosa msisimko baada ya timu ya Yanga kujitoa dakika za mwisho na hivyo kuwakatisha tamaa wapenzi wa soka wa Zanzibar.
KCC waliingia fainali baada ya kuwachapa Azam 3-2 na Simba waliingia fainali kwa kuwachapa URA ya Uganda 2-0.

YANGA BINGWA TANZANIA BARA

Mabingwa wa Afrika mashariki na kati timu ya Yanga imefanikiwa kutwaa ubingwa wa Tanzania Bara kwa mara ya 24 tangu ligi ihanzishwe 1965 kwa kuwafunga watani wao wa jadi Simba kwa goli 2-0.
Magoli ya mabingwa hao yalifungwa na Didier Kavumbagu dk ya 5 huku la pili likifungwa na Hamis Kiiza dk ya 63,Yanga walitawala sehemu kubwa ya mchezo huo na kushangiliwa kwa muda wote na mashabiki wake.
Simba walikosa penati dk ya 26 iliyopigwa na Mussa Mude lakini kwa umahiri wa kipa Ally Mustapha aliweza kuidaka penati hiyo.Sasa Yanga italikilisha Taifa kwenye michezo ya klabu bingwa Afrika na mshindi wa pili Azam atashiriki kombe la shirikisho Afrika.

AZAM YAFA KISHUJAA MOROCCO

Wawakilishi pekee wa Tanzania waliokuwa wamebaki kwenye michuano ya kimataifa,timu ya AZAM FC leo wametolewa na AS FAR RABAAT ya Morocco kwa kufungwa 2-1 kwenye mchezo wa kombe la shirikisho uliochezwa nchini Morocco.
Azam walipata bao la kuongoza dakika ya 6 likifungwa na John Bocco na Far Rabaat walifanikiwa kusawazisha dakika ya 12 na kupata goli la pili dakika ya 43,dakika za mwisho wa mchezo Azam waliweza kupata penati lakini bahati haikuwa yao baada ya penati yao kugonga mwamba penati ilipigwa na John Bocco.
Mwamuzi alitoa kadi nyekundu tatu,moja kwa Far Rabaat na mbili kwa Azam, wadau wa soka wameisifu Azam kwa kuwa na maandalizi mazuri ya michuano ya kimataifa na kutegemea msimu ujao kufanya vizuri zaidi hii ni mara yao ya kwanza kushiriki michuano mikubwa kama hii.

BARCELONA ULIMI NJE KWA BAYERN MUNICH YAPIGWA GOLI 7-0 KWA WIKI MOJA.

Timu ya Barcelona jana imepokea kipigo cha goli 3-0 nyumbani kutoka Bayern Munich na kutolewa kwenye nusu fainali na wajerumani hao
Mchezo wa kwanza uliochezwa Alienz Arena wiki moja iliyopita Barcelona walifungwa goli 4-0.
Bayern Munich sasa watakutana na wajerumani wenzao wa Borussia Dortmund kwenye mchezo wa fainali utaofanyika uwanja wa Wembly nchini Uingereza.

BARCELONA NA REAL MADRID UGONJWA MMOJA WAPIGWA NNE NNE NA WAJERUMANI.

Real Madrid chini ya special coacher Jose Maurinho jana imepata kipigo kikubwa kutoka kwa Borussia Dortmund cha goli 4-1,kwenye nusu fainali ya klabu bingwa Ulaya.
Magoli ya Dortmund yote yamefungwa na Robert Lewandoski huku goli la kufutia machozi la Real Madrid likifungwa na Christian Ronaldo
Nao Barcelona juzi walikutana na kipigo kama hicho cha goli 4-0,kutoka kwa Bayern Munich,mechi za marudiano zitachezwa tarehe 30 na 31/05/2013 nchini Hispania.

BI.KIDUDE AFARIKI DUNIA

Msanii mkongwe hapa nchini Fatma Baraka (Bi.Kidude) amefariki na atazikwa leo huko kijijini kwao Katumba Unguja.
Bi.Kidude alikuwa ni muimbaji wa nyimbo za taarab na mpiga ngoma maarufu,ambaye alikuwa maarufu ndani na nje ya nchi alikuwa kipenzi cha watu wengi kutokana na uwezo wake wa kulishambulia jukwaa pamoja na umri wake kuwa mkubwa.

CANAAN HIGH SCHOOL-MLOWO MBOZI.

Ni moja ya shule nzuri zilizopo wilayani Mbozi,shule ipo eneo la Mlowo kilomita 1.2 toka barabara kuu iendayo Tunduma,shule ina walimu wazuri kwa masomo yote na mazingira mazuri kwa wanafunzi.
Pia ina Hosteli kwa ajili ya wavulana na wasichana,inapokea wanafunzi kutoka sehemu mbalimbali,wahi sasa ili hupate nafasi kwenye shule hii yenye ubora mkubwa.

EASTER CONFERENCE YAFANA MBEYA

Baadhi ya wanafunzi wa umoja wa wanafunzi wa kikristo Tanzania-Mkoani Mbeya wakimusikiliza Mhubiri toka Dar es salaam ndg.Jackson Mndeme kwenye mkutano unaofanyika kwenye ukumbi wa St.Mary's sekondari jijini Mbeya.

TAIFA STARS YAICHINJA MOROCCO 3-1

Timu ya taifa ya Tanzania Taifa Stars jana imefanikiwa kuifunga kigogo cha soka Afrika Morocco bao 3-1 kwenye mchezo uliofanyika jijini Dar es salaam jana.
Taifa Stars walipata mabao yao kipindi cha pili yakifungwa na Thomas Ulimwengu na Mbwana Samata wanaochezea TP Mazembe ya DRC,sasa Stars inashika nafasi ya pili kwenye kundi lake ikiwa na pointi 6 nyuma ya Ivory Coast wenye pointi 7,Morocco ya tatu ikiwa na pointi 2,huku Gambia ikiburuza mkia.

WASABATO MBEYA WAJITOKEZA KUCHANGIA DAMU.

Leo ilikuwa ya matendo ya huruma duniani kwa Wasabato na kukusanyika sehemu mbalimbali duniani kwa ajili ya kutoa elimu kwa watu juu ya ubaya wa matumizi ya Madawa ya kulevya,tumbaku na pombe.
Mbali na yote hayo Wasabato wa Mbeya Mjini walichukua nafasi hiyo kuchangia damu kwenye viwanja maarufu vya Ruanda Nzovwe jijini Mbeya,mmoja wa wachangiaji damu hao bw.Leonard Msendo alionekana kufurahia huduma ya uchangiaji wa damu na kuwaomba Watanzania kujitolea damu kwa ajili ya kuwasaidia wahitataji wa damu(wagonjwa) kwani damu ni tiba ambayo inapatikana kutoka kwa binadamu.
CHANGIA DAMU OKOA MAISHA-DAMU HAIUZWI HUTOLEWA BURE NA HOSPITALI ZOTE HAPA NCHINI,UKIUZIWA DAMU TOA TAARIFA KITUO CHA POLISI,MGANGA MKUU WA HOSPITALI HUSIKA AU KITUO CHA DAMU SALAMA KILICHO JIRANI NAWE.

PAPA MPYA ATOKA ARGENTINA

 Hatimaye lile zoezi la kumchagua Papa limekamilika katika kanisa la St.Peters Basilica huko Vatican na Muargentina Jorge Mario Bergogli kuchaguliwa kuwa Papa mpya ambaye atajulikana kwa jina la PAPA FRANCIS WA KWANZA.

SIMBA YAAMUKA USINGIZINI LEO KWA KUICHAPA COASTAL UNION 2-1

Mabingwa watetezi wa vodacom leo wamezinduka na kuichapa Coastal Union ya Tanga bao 2-1 kwenye uwanja wa Taifa Dsm.
Simba wamepata mabao ya mwishoni mwa kipindi cha kwanza kupitia kwa Mrisho Ngasa na Haruna Chanongo huku goli la kufutia machozi la Coast likifungwa na Razaq Khalfan kipindi cha pili.
Kwa matokeo hayo Simba kafikisha pointi 34 akiwa nyuma ya Azam wenye 37,huku vinara wa ligi hiyo Yanga wakiwa na pointi 45 na Coastal Union wanabaki na pointi 31 na kufanya ligi iwe ngumu kwa Azam,Simba na Coastal Union kwa mtazamo wangu Yanga hawana ugumu sana kwani wana uhakika wa nafasi moja kati ya tatu za juu,labda itokee walewe sifa na kupoteza takribani mechi nne ndio watakuwa pabaya.

YANGA YAWAADHIBU TOTO YAO

Mabingwa wa Afrika mashariki na kati Yanga ya Dar es salaam imezidi kuisukumia kwenye shimo la kushuka daraja baada ya kuifunga bao 1-0 kwenye mchezo uliochezwa uwanja wa Taifa.
Yanga walipata goli lao kupitia kwa Nizar Khalfan dakika 78,aliyeingia kuchukua nafasi ya Tegete.

RAIS HUGO CHAVEZ WA VENEZUELA AFARIKI DUNIA

Rais Hugo Chavez wa Venezuela amefariki jana,Rais Chavez alikuwa akisumbuliwa na maradhi ya kansa  ambayo yamesababisha kifo chake.
  Rais huyo atakumbukwa kutokana msimamo wake wa kutoyumbishwa na  baadhi ya mataifa yenye nguvu duniani

MANCHESTER UNITED YAMUONGEZEA MKATABA RYAN GIGGS

Mchezaji mkongwe katika ligi ya Uingereza ameongezewa mkataba wa mwaka mmoja na klabu yake ya Manchester United.
Mchezaji huyo ambaye anatarajiwa kutimiza miaka 40 hivi karibuni utakuwa ni msimu wake wa 23 ndani ya Manchester united ni mmoja kati ya wachezaji waliyoipatia mafanikio klabu hiyo ya mashetani wekundu.